ՏԵՍԱՆՅՈՒԹ․ Նորատուսցիները գյուղի կենտրոնում կրակներ են վառել
Նորատուսցիները հավաքը չեն դադարեցնում։ Նրանք գյուղի կենտրոնում կրակներ են վառել։
Այսօր Նորատուսում իրավիճակը լարված էր, գյուղը շրջապատված է եղել ներքին զորքերով, պարեկների հետ բախումներ են եղել։
Հիշեցնենք՝ Գեղարքունիքի մարզի Նորատուս գյուղում կրքերը չեն հանդարտվում։ Երեկ գիշերվանից մի քանի գյուղերի ձկնաորսներ հավաքվել էին Նորատուս գյուղում և բողոքի ակցիա իրականացրել։
Ոստիկանությունն արդեն 3 օր է հերթապահում է՝ ձկնաորսների և ջրային պարեկների միջեւ բախումները կանխելու համար։
ՔԿ-ի հաղորդագրության համաձայն՝ Գեղարքունիքում ձկնորսների խուլիգանության, պաշտոնյաների պարտականություններին բռնության կիրառմամբ միջամտելու համար ձերբակալվել է 26 անձ։ Դիմակավորված ձկնորսները պարեկների վրա բենզինով լցված շշեր ու փայտեր են նետել։
