ՏԵՍԱՆՅՈՒԹ․ Ճանապարհային նշանի և գծանշման անհամապատասխանություն՝ Հալաբյան փողոցում
Երևանում Հալաբյան փողոցի վերջնամասում՝ դեպի Դավթաշեն կամուրջ և Դավթաշեն գյուղ տանող խաչմերուկում առկա է ճանապարհային նշանի և գծանշման անհամապատասխանություն։ Այս մասին Auroranews-ը բազմաթիվ ահազանգեր է ստացել։ Այս մասին Auroranews-ը բազմաթիվ ահազանգեր է ստացել։
Ինչպես երևում է լուսանկարում՝ երթևեկելի 3-րդ գոտու ճանապարահային նշանը (վերևում կախվածը) ցույց է տալիս միայն ձախ, իսկ գծանշումը՝ ձախ և ուղիղ։
Ահազանգերի հետքերով Auroranews-ը զանգահարեց Երևանի քաղաքապետարան, որտեղից մեզ հետ զրույցում հայտնեցին, որ տվյալ հատվածում իրականացվում են ճանապարհային աշխատանքներ, որով պայմանավորված գծանշումն այժմ չի փոխվի։
Քաղաքապետարանից հաղորդեցին, որ մինչև տարեվերջ գծանշումը կհամապատասխանեցվի։
Հարգելի վարորդներ, հորդորում ենք լինել ուշադիր և հետևել միայն ճանապարհային նշանին (վերևի հատվածում), մինչ գծանշումը և ճանապարհային նշանը կհամապատասխանեցվեն։
