ՏԵՍԱՆՅՈՒԹ․ Հրթիռային հարվածներ՝ Կիևում․ կան տասնյակ տուժածներ և ավերվածություններ
Կիևում ժամը 07:33-ի (Երևանի ժամանակով 09։33) դրությամբ ռուսաստանցիների հրթիռային հարվածից տուժել է 53 մարդ, որոնցից 6-ը երեխաներ են, 18-ը՝ մեծահասակներ, 2-ը հոսպիտալացվել են: Բոլոր 10 հրթիռները, որոնք թռչում էին դեպի Ուկրաինայի մայրաքաղաք, հաջողվել է խոցել։ Այս մասին հայտնում են Կիևի քաղաքային ռազմական վարչության և Ուկրաինայի արտակարգ իրավիճակների պետական ծառայության Telegram ալիքները։
«Թշնամու գիշերային հարձակման հետևանքով ընդհանուր առմամբ տուժել է 53 մարդ։ Նրանցից 20-ը, այդ թվում՝ 2 երեխա, հոսպիտալացվել են։ 33 տուժածներին բժիշկները տեղում օգնություն են ցուցաբերել, ինչպես նաև 6 երեխայի»,- ասել է Կիևի քաղաքապետ Վիտալի Կլիչկոն:
Տուժածներից ամենատարեցը 80 տարեկան է, ամենափոքրը՝ 5:
Ընդհանուր առմամբ, ՀՕՊ-ի աշխատանքի պատճառով հրթիռների բեկորների անկման մոտ մեկ տասնյակ դեպք է գրանցվել։
Գոլոսեևսկի շրջանում բեկորներն ընկել են ճանապարհի երթևեկելի մասի վրա և չեն բռնկվել։ Դեսնյանսկի շրջանում հրդեհվել է 9-հարկանի շենքի 7-րդ հարկը և 8 ավտոմեքենա՝ տան բակում։ Այնտեղ բնակիչները տարհանվել են։ Փրկվել է 17 մարդ, որից 7-ը՝ երեխա։
Շրջանի մյուս երկու վայրերում՝ բաց տարածքում, հայտնաբերվել են հրթիռների այրվող բեկորներ։
Դնեպրովսկի շրջանում պայթյունավտանգ ալիքը կոտրել է երկու բնակելի շենքերի պատուհանները, հրդեհվել է նաև մասնավոր բնակելի շենք: Հրթիռների բեկորներն ընկել են ևս երեք մասնավոր բնակելի տների վրա, բայց չեն բռնկվել: Տեղի է ունեցել տների և օժանդակ կառույցների մասնակի ոչնչացում։ Հրթիռի բեկորների ընկնելու հետեւանքով վնասվել է նաեւ ջրատար ցանցը. վթարային բրիգադներն աշխատում են տեղում:
Զոհերի մասին տեղեկություններ չկան։
Հիշեցնենք՝ այսօր գիշերը Կիևում մի շարք պայթյուններ են լսվել, որից հետո քաղաքում և մարզում Օդային տագնապ են հայտարարել:
