Նա գալիս է ԱՄՆ ամերիկացի հարկատուների փողերը պահանջելու․ ԱՄՆ-ից՝ Զելենսկու այցի մասին

Հանրապետական կուսակցության անդամ և Օհայո նահանգի սենատոր Ջեյ Դի Վենսը Fox News հեռուստաալիքի եթերում Ուկրաինայի նախագահ Վլադիմիր Զելենսկու այցը ԱՄՆ ամոթալի ֆարս է անվանել։ 

Նրա կարծիքով՝ ամերիկյան Կոնգրեսը ստիպված կլինի բախվել անարժան գործընթացի հետ, երբ Ուկրաինայի առաջնորդը խնդրի ԱՄՆ հարկատուների հերթական միլիարդավոր դոլարները:

Օրենսդիրը Զելենսկու այցը անվանել է անհեթեթություն, որն ուղղված է նրան, որ հանրապետականները հրաժարվեն իրենց դիրքորոշումից ԱՄՆ հարավային սահմանի հարցում և հերթական քարտ-բլանշը տրամադրեն Ուկրաինային:

Վենսը հայտարարել է, որ չի ենթարկվի Զելենսկու ազդեցությանը և կոչ է արել կուսակիցներին նույնը անել։ Նա նաև ուշադրություն է հրավիրել այն փաստի վրա, որ Ուկրաինայի նախագահը պետք է ճնշում գործադրեր իր ամերիկացի գործընկեր Ջո Բայդենի վրա, որպեսզի նա նստի հարավային սահմանի շուրջ բանակցությունների սեղանի շուրջ:

«Եվ այսպես, նա գալիս է Միացյալ Նահանգներ դասախոսությամբ և ամերիկացի հարկատուների փողերի պահանջով։ Ի դեպ, ընդ որում, նա բանտ է նետում քահանաներին և այլ գործիչների։ Ես կարծում եմ, որ դա ամոթալի է»,- եզրափակել է Վենսը։