Մինչև երբ ԱՄՆ-ն կօգնի Իսրայելին․ Բայդենը պատասխանել է
ԱՄՆ նախագահ Ջո Բայդենը հայտարարել է, որ Վաշինգտոնը կշարունակի ռազմական օգնություն ցուցաբերել Իսրայելին այնքան ժամանակ, քանի դեռ արմատական ՀԱՄԱՍ խմբավորումը չի ոչնչացվել։ Համապատասխան հայտարարությունը նա արել է Հանուկայի տոնի առթիվ կազմակերպված ընդունելության ժամանակ, փոխանցում է Gazeta-ն:
«Մենք պետք է զգույշ լինենք, նրանք էլ պետք է զգույշ լինեն։ Ամբողջ աշխարհում հասարակական կարծիքը կարող է փոխվել մեկ գիշերվա ընթացքում, մենք դա թույլ տալ չենք կարող»,- ասել է ԱՄՆ նախագահը։
Նա ընդգծել է, որ Վաշինգտոնը շարունակում է աշխատել Գազայի հատվածում գտնվող պատանդներին փրկելու ուղղությամբ։
«Միացյալ Նահանգները նաև պարտավորվում է հնարավորինս շատ մարդասիրական օգնություն ուղարկել անմեղ պաղեստինցի խաղաղ բնակիչներին»,-ասել է Բայդենը:
