Զախարովայի հայտարարությունը՝ Սպիտակի երկրաշարժի մասին
Ռուսաստանը միշտ հիշելու է 1988 թվականի դեկտեմբերի 7-ին Հայաստանում տեղի ունեցած երկրաշարժը, մենք հայ ժողովրդի այս դժբախտությունը ընկալում ենք որպես մերը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Սպիտակի դասերից մեկը ռուս և հայ ժողովուրդների դարավոր բարեկամության անձեռնմխելիության գիտակցումն է՝ փորձված տարբեր դժբախտություններով, ինչպես էլ որ զարգանա քաղաքական իրավիճակը։
Մեր եղբայրական միասնությունը կհաղթահարի ցանկացած դժվարություն, քանի որ այն ժամանակի փորձության է ենթարկվել»,-ասել է նա։
Հիշեցնենք՝ Սպիտակի երկրաշարժը տեղի է ունեցել Հայաստանի հյուսիսարևմտյան մասում 1988 թվականի դեկտեմբերի 7-ին՝ տեղական ժամանակով ժամը 11:41-ին։
