Էական չէ․ Պեսկովը՝ Պուտինին «Տարվա մարդ» կոչումին առաջադրելու մասին
ՌԴ նախագահ Վլադիմիր Պուտինի դերը երկրում և աշխարհում դժվար է գերագնահատել։ Այս մասին՝ մեկնաբանելով ամերիկյան Time ամսագրի վարկածով «Տարվա մարդ 2023» կոչման հավակնորդների կարճ ցանկում Պուտինի ներառումը, հայտարարել է ՌԴ նախագահի մամուլի քարտուղար Դմիտրի Պեսկովը:
«Այս առաջադրումն էական չէ», - ասել է Պեսկովը:
Հաղորդվում է, որ «Տարվա մարդ 2023» կոչման հավակնորդների թվում են նաև Մեծ Բրիտանիայի թագավոր Չարլզ Երրորդը, ամերիկացի երգչուհի Թեյլոր Սվիֆթը, Չինաստանի ղեկավար Սի Ծինփինը, CHatGPT-ի ստեղծող Սեմ Ալթմանը և այլք: Հաղթողի անունը հայտնի կդառնա չորեքշաբթի՝ դեկտեմբերի 6-ին։
Հիշեցնենք՝ ավելի վաղ հայտնել էինք, որ Time ամերիկյան ամսագիրը Պուտինին առաջադրել է «Տարվա մարդ» կոչումին։
