Հադրութի Սբ. Հարություն եկեղեցին կվերականգնվի որպես աղվանական․ Ադրբեջանի հայտարարությունը
Արցախի մշակութային ժառանգության պաշտպանության պետական խորհուրդը հայտնում է, որ Ադրբեջանը հայտարարել է Հադրութի Սբ. Հարություն եկեղեցին որպես աղվանական վերականգնելու մասին։
«Ըստ Հադրութ քաղաքի նորամշակ գլխավոր հատակագծի, առաջիկայում, հնագիտական պեղումներ իրականացնելուց հետո, այն կվերականգնվի։ Նախատեսվում է նաև եկեղեցում ստեղծել «աղվանական» մշակույթը ներկայացնող թանգարան», -ասվում է տեղեկատվության մեջ։
Նշենք, որ Սուրբ Հարություն եկեղեցին գտնվում է Արցախի Հանրապետության Հադրութի շրջանի շրջկենտրոն Հադրութ քաղաքի հարավ-արևմտյան հատվածում։
