ՏԵՍԱՆՅՈՒԹ․ Իրավիճակը՝ Վերին Լարսում այս պահին
Վատ եղանակի պատճառով Վերին Լարսի անցակետը դեռ փակ է․ խցանումն արդեն ձգվել է գրեթե չորս կիլոմետր։ Այս մասին հայտնում է Readovka-ն և տեսանյութ հրապարակում։
Առատ ձյան պատճառով գրեթե մեկ օր է, ինչ փակ է ռուս-վրացական սահմանը։ Երեկ առատ ձյան պատճառով «հարկադիր պատանդ» դարձած վարորդները գիշերել են իրենց մեքենաներում։
Հաղորդվում է, որ անցակետում ձյուն մաքրող տեխնիկա է բերվել։
«Ականատեսները հայտնում են, որ նկատել են երեք հատուկ մեքենա, ինչից շատ են ուրախացել, քանի որ խցանումն արդեն ձգվել է ավելի քան չորս կիլոմետր, իսկ մարդիկ բավականին ուժասպառ են»,-գրել է ալիքը։
