ԵՄ-ն կխստացնի անօրինական միգրացիայի համար պատիժը
Եվրամիությունում աշխատում են մարդկանց անօրինական միգրացիայի եւ մաքսանենգության դեմ պայքարի օրենսդրության բարելավման ուղղությամբ: Այս մասին հայտարարել Է Եվրահանձնաժողովի ղեկավար Ուրսուլա ֆոն դեր Լյայենը միգրանտների մաքսանենգության հետ կապված կազմակերպված հանցավորության դեմ պայքարի միջազգային համաժողովի ընթացքում: Տեղեկությունը փոխանցում է gazeta.ru-ն։
Ուրսուլա ֆոն դեր Լյայենի խոսքով՝ նախատեսվում է թարմացնել մարդկանց մաքսանենգության հետ կապված հանցագործությունների սահմանումները, ինչպես նաև խստացնել պատիժները և ընդլայնել համագործակցությունը գործընկերների և միջազգային կազմակերպությունների հետ:
Ավելի վաղ հայտնի դարձավ, որ Ռուսաստանի ՆԳՆ-ն օրինագիծ է պատրաստել, որով առաջարկվում է ՌԴ-ում վերահսկվող կացության ռեժիմ սահմանել այն օտարերկրացիների համար, որոնք դրա համար օրինական հիմքեր չունեն: Փոփոխությունները կարող են զգալիորեն բարդացնել այցելուների կյանքը՝ արգելելով նրանց իրավաբանական անձանց և անհատ ձեռնարկատերերի գրանցումը, անշարժ գույքի գործարքները, մեքենաների առք ու վաճառքը, բանկային հաշվի բացումը, դրամական փոխանցումները և ամուսնությունը:
