Կտրուկ եզրակացություններ անելն անիմաստ է․ ՀԱՊԿ գլխավոր քարտուղարը՝ նիստին Հայաստանի բացակայության մասին
Հայաստանը եղել և մնում է Հավաքական անվտանգության պայմանագրի կազմակերպության (ՀԱՊԿ) դաշնակիցը: Այս մասին ասել է ՀԱՊԿ գլխավոր քարտուղար Իմանղալի Թասմաղամբետովը, ՏԱՍՍ գործակալությանը։
«Իմ կարծիքով, այս իրավիճակից կտրուկ եզրակացություններ անելն անիմաստ է, Հայաստանը եղել և մնում է մեր դաշնակիցը: Սրանով, կարծում եմ, ամեն ինչ ասված է: Որքանով հայտնի է ՀԱՊԿ քարտուղարությանը, հայկական պատվիրակության բացակայության պատճառները տեխնիկական բնույթ են կրել: Ամեն դեպքում, սա անկախ և ինքնիշխան պետության որոշումն է, որրի վրա ոչ մի այլ պետություն կամ կազմակերպություն չի կարող ազդել»,- ասել է նա։
ՀԱՊԿ գլխավոր քարտուղարը հավելել է, որ ՀԱՊԿ-ը հարգում է Հայաստանի Հանրապետության որոշումը՝ որպես կազմակերպության լիիրավ անդամ։
