«Հուսով եմ, որ Նեթանյահուն կհավաքի ճամպրուկները և կհեռանա». Էրդողան

Թուրքիայի նախագահ Ռեջեփ Թայիփ Էրդողանը չի բացառում, որ Իսրայելի վարչապետ Բենիամին Նեթանյահուն շատ մոտ ապագայում կհավաքի ճամպրուկներն ու կլքի երկիրը։ Այս մասին Թուրքիայի ղեկավարը Ալժիրից վերադառնալուց հետո ինքնաթիռում ասել է լրագրողներին:

Էրդողանը հայտարարել է, որ Անկարան մի շարք պետությունների ներկայացուցիչներից ազդանշաններ է ստանում Իսրայելի վարչապետ Բենիամին Նեթանյահուից «ազատվելու» անհրաժեշտության մասին. «Բոլորը Նեթանյահուին ասում են՝ հեռացիր: Որոշ օտարերկրյա ներկայացուցիչներ մեզ ասում են. «Մենք պետք է ազատվենք նրանից»:

Չեմ կարծում, որ այս գործընթացը հետագայում կշարունակվի, հուսով եմ, որ Նեթանյահուն կհավաքի ճամպրուկները և կհեռանա շատ կարճ ժամանակում»,- Ալժիրից վերադառնալուց հետո ինքնաթիռում լրագրողներին ասել է Թուրքիայի ղեկավարը: