Հայաստանի բոյկոտը ՀԱՊԿ նիստերին «ափսոսանք է առաջացնում». Զախարովա

Հայաստանի բոյկոտը ՀԱՊԿ նիստերին «ափսոսանք է առաջացնում»: Այս մասին ասել է ՌԴ ԱԳՆ խոսնակ Մարիա Զախարովան` անդրադառնալով Հայաստանի տարբեր պաշտոնյաների կողմից ՀԱՊԿ ֆորմատով նիստերին չմասնակցելուն։

«Մենք չենք կարծում, թե հայ ժողովրդի երկարաժամկետ շահերից է դա բխում և կնպաստի մեր բարեկամ երկրի անվտանգությանն ու կայունությանը։ Միաժամանակ, որքան հասկանում ենք, հայ գործընկերները հակված չեն արգելափակել կազմակերպության կառույցների աշխատանքները և խոչընդոտել արդեն համաձայնեցված փաստաթղթերի հաստատմանը։ 

Փաստացի, այն դռները բաց է թողնում Երևանի համար և հնարավորություն տալիս հետագայում միանալ աշխատանքին։ Հույս ունենք, որ հայ դաշնակիցները վաղ ապագայում կօգտվեն այդ հնարավորությունից։ ՀԱՊԿ մշտադիտարկման առաքելության ուղարկումը հայ-ադրբեջանական սահման՝ ծանրակշիռ հանգամանք կարող է դառնալ Հայաստանի անվտանգության ապահովման գործում՝ ի տարբերություն ԵՄ առաքելության, որը ցուցաբերում է իր ամբողջական անարդյունավետությունը»,-ասել է Զախարովան։

Նրա խոսքով` Մինսկում ՀԱՊԿ գագաթնաժողովին չմասնակցելու Հայաստանի որոշումը ցավալի է, բայց դռները Երևանի համար շարունակում են բաց մնալ: