ԼՈՒՍԱՆԿԱՐՆԵՐ. Հրապարակվել են Սպիտակ տանը հայտնաբերված կոկաինի լուսանկարները

Բրիտանական Daily Mail թերթը հրապարակել է կոկաինի լուսանկարները, որոնք հուլիսի սկզբին հայտնաբերվել են Սպիտակ տանը։

Լուսանկարներում երևում է սպիտակ փոշու տոպրակ, որն ընկած է պահարանի խցերից մեկում։ Ինչպես հրատարակությանը հայտնել է աղբյուրը, պահարանները նախատեսված չեն կոնկրետ անձնակազմի համար և հյուրերը կարող են ընտրել, թե որ խուցն են օգտագործելու, ապա վերցնել բանալին։ Լրատվամիջոցը նշում է, որ դրանք օգտագործում են Արևմտյան թեևի այցելուները, ոչ թե Սպիտակ տունը կամ նախագահի վարչակազմը։

Ըստ աղբյուրի՝ թմրանյութի ամենահավանական սեփականատերը եղել է հյուրախաղերի եկած մեկը։

Հրատարակության տվյալներով՝ իր ստացած փաստաթղթերը վկայում են նաև այն մասին, որ հետաքննությանը մասնակցել է ՀԴԲ փոխտնօրեն Փոլ Աբբաթը։