Գազայի հատվածում պատերազմի զոհերի թիվը գերազանցել է 11 հազարը

Գազայի հատվածում պաղեստինյան ՀԱՄԱՍ շարժման դեմ Իսրայելի պատերազմի արդյունքում զոհվել է 11 180 մարդ, այդ թվում՝ 4609 երեխա, 28 հազար մարդ վիրավորվել է, հայտնում է Al-Hadas հեռուստաալիքը՝ հղում անելով անկլավի առողջապահության նախարարությանը։

Իսրայելի և Գազայի հատվածը վերահսկող պաղեստինյան արմատական ​​ՀԱՄԱՍ շարժման միջև պատերազմը շարունակվում է հոկտեմբերի 7-ից։ Իսրայելի տարածք զինյալների ներխուժման ժամանակ զոհվել է 1,2 հազար մարդ, վիրավորվել՝ 5,4 հազարը։

Հոկտեմբերի 27-ին Իսրայելը ցամաքային գործողություն է սկսել Գազայի հատվածում։ Նոյեմբերի 2-ին Իսրայելի պաշտպանության բանակը հայտարարեց Գազա քաղաքն ամբողջությամբ շրջափակելու մասին։