Վրաստանում ավարտվել է դեպի Լարս տանող նոր թունելի 5 կամուրջներից մեկի շինարարությունը

Վրաստանում ավարտվել է դեպի Լարս տանող նոր թունելի 5 կամուրջներից մեկի շինարարությունը: Այս մասին հայտնում է Վրաստանի ավտոմոբիլային ճանապարհների դեպարտամենտը:

Ամբողջական նախագիծը կավարտվի մինչև 2028 թվականը։ Քվեշեթի–Կոբի 23 կիլոմետրանոց հատվածի շինարարության շրջանակներում կառուցվում են նոր երկգոտի ասֆալտբետոնե ճանապարհ, 5 կամուրջ, 5 թունել, ինչպես նաև ընթանում է գործող կամրջի վերակառուցումը:

Դեպի Գուդաուրի նոր ճանապարհը և թունելը թույլ կտան կրճատել ճանապարհի ժամանակը և փոխարինել Մցխեթա–Ստեփանծմինդա–Լարս ճանապարհի առավել վտանգ ունեցող հատվածը: Բեռնաշրջանառությունը, այդ թվում՝ դեպի Հայաստան, հնարավոր կլինի կատարել առանց ուշացումների: