ԱՄՆ-ին չի հաջողվել փորձարկել Minuteman III միջմայրցամաքային բալիստիկ հրթիռը
ԱՄՆ զինվորականները Խաղաղ օվկիանոսի վրայով թռիչքի ժամանակ պայթեցրել են Minuteman III միջմայրցամաքային բալիստիկ հրթիռը՝ փորձնական արձակման ժամանակ առաջացած խնդիրների պատճառով, ասվում է ԱՄՆ ռազմաօդային ուժերի հայտարարության մեջ։
Նշվում է, որ Կալիֆոռնիայի Վանդենբերգ ռազմաօդային բազայից արձակումից անմիջապես հետո «անոմալիայի» հայտնաբերման պատճառով հրթիռը երկրի ռազմաօդային ուժերը ստիպված են եղել պայթեցնել օդում: Այն ոչնչացվել է անվտանգ կերպով:
Վանդենբերգից Minuteman III-ի նախորդ արձակումը տեղի է ունեցել սեպտեմբերի 6-ի գիշերը։
