ՀԱՄԱՍ–ը և «Հեզբոլլահը» Լիբանանից 1 ժամում ավելի քան 30 հրթիռ են արձակել Իսրայելի ուղղությամբ
ՀԱՄԱՍ խմբավորումը երկուշաբթի հայտարարել է, որ Լիբանանից 16 հրթիռ է արձակել Հայֆայի, Նահարիայի և իսրայելական այլ քաղաքների ուղղությամբ, գրում է The Times of Israel-ը։
Միաժամանակ հրթիռների արձակման մասին հայտարարել է նաեւ լիբանանյան «Հեզբոլլահ» շարժումը։ Ընդհանուր առմամբ, ըստ Իսրայելի պաշտպանության բանակի (IDF), մեկ ժամում ավելի քան 30 հրթիռ է արձակվել Իսրայելի ուղղությամբ։
Իսրայելի պաշտպանության բանակն իր հերթին ակտիվացրել է «Երկաթե գմբեթ» հակահրթիռային պաշտպանության համակարգը և հրետանային կրակ բացել հրթիռների արձակման վայրերի ուղղությամբ։
Հրատարակության տվյալներով՝ մի քանի հեռահար հրթիռներ ընկել են ծովը, իսկ բնակիչները պայթյուններ են լսել։ Զոհերի և ավերածությունների մասին տեղեկություններ չկան։
Հոկտեմբերի 7-ին Գազայի հատվածում տեղակայված ՀԱՄԱՍ արմատական խմբավորումը հարձակվել է Իսրայելի վրա։ Այս հարձակման զոհ է դարձել ավելի քան 1,4 հազար մարդ։ Ի պատասխան՝ Իսրայելի պաշտպանության բանակը ռազմական գործողություն է սկսել ՀԱՄԱՍ-ի դեմ։
