Որքան է գնահատվել Գազայի հատվածում իսրայելական հարվածների հետևանքով կրած վնասը
Իսրայելի հարվածների հետևանքով Գազայի հատվածում բնակելի շենքերին և ենթակառուցվածքներին հասցված վնասը գնահատվում է մոտ 3 միլիարդ դոլար, հաղորդում է անկլավային կառավարության մամուլի ծառայությունը, փոխանցում է ՏԱՍՍ-ը։
«Ըստ նախնական գնահատականի՝ բնակելի շենքերին և աշտարակներին հասցված վնասը կազմել է 2 միլիարդ դոլար, ենթակառուցվածքներին հասցված վնասը գնահատվում է մոտ 1 միլիարդ դոլար», - ասվում է հաղորդագրության մեջ։
Գազայի հատվածի կառավարության տվյալներով՝ հոկտեմբերի 7-ից հակամարտության սրման սկսվելուց ի վեր Իսրայելը ավելի քան 13 հազար ռումբ է նետել անկլավի տարածք։ Ինչպես նշվում է, հրետակոծության հետևանքով վնասվել է անկլավի բնակելի միավորների կեսից ավելին, ամբողջությամբ ավերվել է 40 հազարը։
