Միջինում որքան գումար է ծախսում ամեն զբոսաշրջիկ ՀՀ-ում․ Էկոնոմիկայի նախարար

ԱԺ տնտեսական հարցերի մշտական հանձանաժոցովի նիստում  Էկոնոմիկայի նախարար Վահան Քերոբյանը տեղեկացրեց, որ զբոսաշրջության ապահովության ինդեքսով ՀՀ–ն 142 երկրների մեջ 7–րդ տեղում է, քանի որ մեր երկրում շատ քիչ է հանցագործությունների քանակը։

«Աշխարհի բոլոր երկրներում զբոսաշրջության ծավալի աճի մակարդակով ՀՀ–ն 6–րդն է, այն զիջում է Կատարին, Սաուդյան Արաբիային և մի քանի այլ երկրների»,- ասաց նախարարը և հավելեց, որ համեմատած բազմաթիվ այլ երկրների մեր երկրում զբոսաշրջությունն աճել է։

Քերոբյան տեղեկացրեց, որ այս տարվա 10 ամսում Հայաստան է այցելել 2 մլն զբոսաշրջիկ, ինչը 2019թ․ համեմատ 25%–ով ավել է։ Քերոբյանի խոսքով՝ մինչև տարեվերջ ակնկալվում է 2,4 մլն զբոսաշրջիկի այց։ Նրա խոսքով՝ ամեն զբոսաշրջիկ միջինը ծախսում է 1200 դոլար, որից բյուջե է գնում մոտ 110 դոլարը։

ԱԺ հանձնաժողովում քննարկվում է կառավարության ներկայացրած «Զբոսաշրջության մասին» օրենսդրական նոր փաթեթը։