ԱՄՆ-ը շարունակում է ուրան գնել Ռուսաստանից. Լավրով

ԱՄՆ-ը շարունակում է ուրան և այլ կարևոր նյութեր գնել Ռուսաստանից: Այս մասին հայտարարել է ՌԴ ԱԳ նախարար Սերգեյ Լավրովը, փոխանցում է ՌԻԱ Նովոստին։

«Ստիպելով ԵՄ-ին հրաժարվել ռուսական ամեն ինչից՝ Վաշինգտոնը շարունակում է ուրան և այլ կարևոր նյութեր գնել Ռուսաստանից», - ասել է Լավրովը Ուկրաինայի շուրջ իրավիճակի կարգավորման վերաբերյալ դեսպանատան կլոր սեղանի ժամանակ։

Միևնույն ժամանակ նա ընդգծել է, որ ԱՄՆ-ն «իր էգոիստական ​​օրենքներով ստիպում է» եվրոպական ընկերություններին հրաժարվել ռուսական էներգետիկ ռեսուրսներից՝ հօգուտ ամերիկյան թանկարժեք հեղուկ բնական գազի։