![Իսրայելը հայտարարել է Սիրիային հարվածներ հասցնելու մասին՝ ի պատասխան Էյլաթում հարձակման](https://auroranews.am/storage/img/base_image/old/b53a2515f6084b3362447b6f508da173.webp)
Իսրայելը հայտարարել է Սիրիային հարվածներ հասցնելու մասին՝ ի պատասխան Էյլաթում հարձակման
![Իսրայելը հայտարարել է Սիրիային հարվածներ հասցնելու մասին՝ ի պատասխան Էյլաթում հարձակման](https://auroranews.am/storage/img/base_image/old/b53a2515f6084b3362447b6f508da173.webp)
Իսրայելի պաշտպանության բանակը հայտարարել է Սիրիայում ավիահարվածների մասին՝ ի պատասխան Էյլաթում դպրոցի վրա անօդաչու թռչող սարքի հարձակման։ Այս մասին գրում է BBC–ի ռուսական ծառայությունը:
Իսրայելի պաշտպանության բանակի հայտարարության մեջ նշվում է, որ հարվածն ուղղված է եղել անօդաչու թռչող սարքը արձակած կազմակերպությանը, սակայն չի նշվում, թե ով է կանգնած հարձակման հետևում, որտեղից է այն եկել կամ կոնկրետ ինչն է եղել պատասխան հարվածների թիրախը:
«Սիրիական ռեժիմը կրում է ամբողջ պատասխանատվությունը Սիրիայի տարածքից իրականացվող բոլոր ահաբեկչական գործողությունների համար։ Իսրայել պետության տարածքը վնասելու ցանկացած փորձին Իսրայելի պաշտպանության բանակը կոշտ արձագանքելու է»,- ասվում է հայտարարության մեջ։
Նախկինում հաղորդվում էր, որ տարրական դպրոցի վրա դրոնի ընկնելու հետևանքով ոչ ոք լրջորեն չի տուժել։