Al Arabiya հեռուստաալիքը, վկայակոչելով աղբյուրներ, հայտնում է, որ նոյեմբերի 10-ին պայմանավորվածություն է ձեռք բերվել Իսրայելի կողմից կալանավորված 100 պաղեստինցի կանանց և դեռահասներին100 իսրայելցի պատանդների հետ փոխանակելու շուրջ: Այս մասին գրում է Meduza-ն:

Al Arabiya-ի դիվանագիտական ​​աղբյուրները նշել են, որ մի քանի փոխանակման առաջարկներ են ի հայտ եկել վերջին շաբաթների ընթացքում բանակցությունների ժամանակ, որոնցում Քաթարը առանցքային դեր է խաղացել որպես միջնորդ: Այսպիսով, տարբերակներից մեկը վերաբերում էր 10-15 պատանդների ազատ արձակմանը մեկ կամ երկօրյա հրադադարի դիմաց։ Բենյամին Նեթանյահուի գրասենյակը պնդում է, որ հրադադար չի լինի այնքան ժամանակ, քանի դեռ ՀԱՄԱՍ-ը չի ազատել պատանդներին։ 

Պաշտոնական տեղեկությունը, որ փոխանակման շուրջ պայմանավորվածություն է ձեռք բերվել, դեռ չի հաստատվել։ 

ՀԱՄԱՍ-ը հարձակվել է Իսրայելի վրա հոկտեմբերի 7-ին՝ սպանելով 1400 մարդու և ավելի քան 200 պատանդ վերցնելով։ Իսրայելի պաշտպանության բանակը սկսեց ավիահարվածներ հասցնել Գազայի հատվածին, իսկ հոկտեմբերի վերջին Իսրայելի պաշտպանության բանակի զորքերը մտան պաղեստինյան տարածք։ Պաղեստինյան կողմի տվյալներով՝ հոկտեմբերի 7-ից Գազայի հատվածում ավելի քան 11 հազար մարդ է զոհվել։