Գալուզինը՝ Ռուսաստանի, Հայաստանի և Ադրբեջանի ԱԳ նախարարների հանդիպման մասին

Մենք բազմիցս հաստատել ենք մեր պատրաստակամությունը: Այս մասին լրագրողներին հայտնել Է ՌԴ փոխարտգործնախարար Միխայիլ Գալուզինը։ Տեղեկությունը փոխանցում է ՏԱՍՍ-ը։

«Մենք բազմիցս հաստատել ենք մեր պատրաստակամությունը՝ մոսկովյան հարթակ տրամադրելու Հայաստանի և Ադրբեջանի արտգործնախարարների մակարդակով հարաբերությունների կարգավորման և խաղաղության պայմանագրի ստորագրման հարցերի շուրջ հետագա երկխոսության համար։ Երբ մենք համաձայնեցնենք նման միջոցառման ժամկետները, ժամանակին կհայտարարենք այդ մասին»,- նշել է փոխնախարարը:  

Գալուզինն ընդգծել է, որ համապատասխան հանդիպումն ընդունելու Մոսկվայի պատրաստակամությունն անփոփոխ է:

ՌԴ ԱԳՆ պաշտոնական ներկայացուցիչ Մարիա Զախարովան ավելի վաղ հայտարարել էր, որ ռուսական կողմն այն կարծիքին է, որ երկկողմ հարաբերությունների կարգավորման ճանապարհային քարտեզը մնում է եռակողմ պայմանավորվածությունների համալիրը, որոնք ընդունվել են 2020-2022 թվականներին։