Հռոմի ստատուտի վավերացման ֆոնին` ՀՀ-ն ՌԴ-ին առաջարկել է համաձայնագիր ստորագրել. Արշակյան

Հռոմի ստատուտի վավերացման ֆոնին Հայաստանը դիվանագիտական խողովակներով Ռուսաստանին առաջարկել է երկկողմ միջպետական համաձայնագիր ստորագրել, որը կբացառի միջազգային դատարանի որոշումների կիրառումը երկու երկրներին վերաբերող հարցերում: Այս մասին ասաց Ազգային ժողովի փոխխոսնակ Հակոբ Արշակյանը` պատասխանելով «Ազատության» հարցին:

Նա նշեց, որ Մոսկվայից արձագանք դեռ չեն ստացել։

«Այսինքն՝ իրավական առումով մենք կարող ենք ունենալ երկկողմ համաձայանգիր, որը բացառում է միջազգային դատարանի որոշումների կիրառումը երկու երկրներին վերաբերող հարցերում։ Մենք դա առաջարկել ենք, արձագանք չենք ստացել, բայց դեռ ժամանակ կա մինչև ուժի մեջ մտնելը և հույս ունեմ, որ պրոգրես կլինի»,- մանրամասնեց Արշակյանը:

ԱԺ փոխխոսնակը հավելեց նաև, որ Երևանը Վաշինգտոնի հետ ևս նման համաձայնագիր ստորագրել է։

Հայաստանը Ռուսաստանին առաջարկել է համաձայնագիր, որը թույլ կտա շրջանցել Հռոմի կանոնադրությունը