ԱՄՆ-ն թաքցնում է Իսրայելին փոխանցվող զենքի տեսակների և քանակի վերաբերյալ տվյալները. Intercept
Միացյալ Նահանգները միտումնավոր թաքցնում է տեղեկատվությունը Իսրայելին փոխանցվող զենքի տեսակների և քանակի մասին, որպեսզի չկապի դրանց օգտագործումը Գազայի հատվածի խաղաղ բնակչության շրջանում բազմաթիվ զոհերի հետ։ Հայտնում է Intercept-ը:
Աղբյուրի համաձայն՝ ԱՄՆ-ի փաստարկը, թե փոխանցված զենքի մասին տեղեկատվության բացահայտումը կարող է վնասել Իսրայելի ռազմական անվտանգությանը, միայն «քողարկելու միջոց» է։
Ավելի վաղ հաղորդվել էր, որ ԱՄՆ-ը նախատեսում է Իսրայելին մատակարարել 320 մլն դոլարի ճշգրիտ ռումբեր։
ԱՄՆ նախագահ Ջո Բայդենը նույնպես խոստացել է, որ Իսրայելը կշարունակի միջոցներ ստանալ ՀԱՄԱՍ-ի դեմ պայքարելու համար։
Բացի այդ, ՌԴ ԱԳ նախարար Սերգեյ Լավրովը վստահություն է հայտնել, որ անգլո-սաքսոնները բառացիորեն մղում են Մերձավոր Արեւելքին մեծ պատերազմ սկսելու։
