Գազայի հատվածի հարավում գտնվող Խան Յունիս քաղաքի վրա Իսրայելի ավիահարվածների հետևանքով ութ պաղեստինցի է զոհվել, հայտնում է Al Mayadeen հեռուստաալիքը։

Նշենք, որ Իսրայելի պաշտպանության բանակը հարվածել է Գազայի Ալ-Քուդս հիվանդանոցի մոտակայքում գտնվող ՀԱՄԱՍ-ի զինյալների շենքին, որը հանգեցրել է «երկրորդական պայթյունների», հայտնել է բանակի մամուլի ծառայությունը:

Ավելի վաղ բժշկական հաստատությունից հայտնել էին, որ տարածքի վրա հարվածները կարող են ուժեղ պայթյուն առաջացնել՝ շենքի ներսում պահվող թթվածնի բալոնների առկայության պատճառով: