Հայտնի է, թե որ դեպքում Հորդանանը կմիանա Իսրայելի դեմ պատերազմին

Հորդանանի վարչապետ Բիշար ալ-Խասավնեն ասել է, որ իր երկիրը Գազայի հատվածից կամ Հորդանան գետի արևմտյան ափից պաղեստինցիներին վտարելու ցանկացած փորձ կդիտարկի որպես պատերազմի հայտարարություն:

«Գազայի հատվածից կամ Արևմտյան ափից պաղեստինցիներին վտարելու կամ դրա համար պայմաններ ստեղծելու ցանկացած փորձ կարմիր գիծ է, Հորդանանը դա կհամարի պատերազմի հայտարարություն»,- գրել է նա X սոցիալական ցանցում։

Ավելի վաղ Հորդանանը որոշել էր հետ կանչել Իսրայելից իր դեսպանին՝ կապված պաղեստինցիների դեմ իսրայելական բանակի ռազմական գործողությունների հետ։