Իսրայելի պաշտպանության բանակը ծրագրում է 48 ժամվա ընթացքում ավարտել Գազայի շրջափակումը և ռազմական գործողություններ սկսել քաղաքի սահմաններում, հաղորդում է իսրայելական Haaretz լրատվամիջոցը։

Նշվում է, որ «գործողության նպատակը կլինի հասնել ՀԱՄԱՍ-ի զինյալներին, որոնք դուրս են մղվել քաղաք, և ոչնչացնել թունելներն ու ՀԱՄԱՍ-ի ռազմական ու քաղաքացիական հաստատությունները»: 

Գազայի հատվածում արմատական ՀԱՄԱՍ շարժման դեմ ցամաքային գործողության մեկնարկից ի վեր սպանված իսրայելցի զինվորների թիվը հասել է 30-ի։ Այս մասին հայտնում է The Times of Israel թերթը՝ Իսրայելի պաշտպանության ուժերին հղումով։

Ավելի վաղ հայտնել էինք, որ Իսրայելի բանակը հայտարարել էր, որ ամբողջությամբ շրջափակել է Գազան և հասել ծովին: