Հորդանան գետի Արեւմտյան ափին էսկալացիայի զոհերի թիվը գերազանցել է 100-ը

Պաղեստինա-իսրայելական հակամարտության սրման սկզբից ի վեր Արևմտյան ափին զոհվածների թիվը գերազանցել է 100-ը, հայտնել է Պաղեստինի առողջապահության նախարարությունը: Տեղեկությունը փոխանցում է ՌԻԱ Նովոստին: 

«Հոկտեմբերի 7-ից Արեւմտյան ափին հարյուր երեք զոհ կա, այդ թվում՝ երկու զոհ իսրայելական օկուպացիոն բանտերում»,- հայտարարել են գերատեսչությունում:

Ավելի վաղ հաղորդվում էր 95 զոհի մասին:

Իսրայելի պաշտպանության բանակը գիշերը հայտնել է Հորդանան գետի արևմտյան ափին՝ Ջենինում, պաղեստինցի մարտիկներին անօդաչու թռչող սարքի հարվածի մասին: Այս տարածաշրջանի տարածքը բաժանված է երեք գոտիների. դրանցից մեկը լիովին վերահսկվում է Պաղեստինի ազգային վարչակազմի կողմից, երկրորդը գտնվում է Պաղեստինի ազգային վարչակազմի քաղաքացիական վերահսկողության ներքո, բայց այնտեղ են գտնվում իսրայելցի զինվորականները, երրորդը՝ ամբողջությամբ կառավարվում է Իսրայելի կողմից: