Հրապարակվել է Իսրայելի ցամաքային ռազմական գործողության ներկայիս քարտեզը Գազայի հյուսիսային հատվածում։

Քարտեզում երևում է, որ ՑԱԽԱԼ-ը փորձում է շրջափակման մեջ վերցնել Գազա քաղաքը, ինչպես նաև Բեյթ Հանուն և Բեյթ Լահիա քաղաքները:

Հնարավոր է, որ Ջաբալիա փախստականների ճամբարի անմարդկային ռմբակոծությունները իսրայելական բանակի այս ծրագրի հետ են կապված։ Ջաբալիյայի գրավումը ռազմավարական նշանակություն ունի Իսրայելի պաշտպանության բանակի՝ Գազայի հատվածի հյուսիսային մասի շուրջ օղակը փակելու համար, և հենց այս ճամբարի մոտակայքում է իսրայելական բանակի առաջխաղացումը:

Իսրայելի պաշտպանության բանակն առայժմ հնարավորինս խուսափում է քաղաքային բնակավայրերում մարտերից: