Իսրայելը ստեղծել է ՀԱՄԱՍ-ի հրամանատարներին սպանելու համար հատուկ գործողություններ իրականացնելու կենտրոն
Իսրայելը ստեղծել է ՀԱՄԱՍ-ի հրամանատարներին սպանելու նպատակով հատուկ գործողություններ իրականացնելու կենտրոն։ Այս մասին հայտնում է իսրայելական The Times of Israel հրատարակությունը։
Իսրայելի գլխավոր անվտանգության ծառայությունը և իսրայելական հետախուզական «Մոսադը» ստեղծել են հատուկ օպերատիվ կենտրոն՝ պաղեստինյան «Համաս» իսլամական շարժման մարտիկներին և հրամանատարներին սպանելու գործողություններ պլանավորելու համար։
Ըստ հրատարակության զրուցակիցների՝ իսրայելական հետախուզական ծառայությունների, նոր կառույցը կբացահայտի և գործողություններ կպլանավորի ՀԱՄԱՍ-ի այն ներկայացուցիչների դեմ, որոնք հոկտեմբերի 7-ին անմիջականորեն մասնակցել են Իսրայելի տարածքի վրա հարձակմանն։
Ինչպես նշում է հրատարակությունը, նոր հրամանատարական կենտրոնն արդեն սկսել է աշխատանքը։ Ակնկալվում է, որ այն կուժեղանա Գազայի հատվածում Իսրայելի պաշտպանության ուժերի ցամաքային գործողության մեկնարկից հետո։ Կենտրոնի աշխատանքի շրջանակներում Իսրայելի հետախուզական ծառայությունները նախատեսում են տվյալներ գտնել ՀԱՄԱՍ-ի «հարյուրավոր» ներկայացուցիչների գտնվելու վայրի վերաբերյալ։
