Իրաքում ԱՄՆ ավիաբազան հրթիռակոծության է ենթարկվել․ Reuters

Իրաքի արևմուտքում գտնվող Այն ալ-Ասադ ամերիկյան ռազմական ավիաբազան հրթիռակոծության է ենթարկվել։ Այս մասին հայտնում է Reuters-ը՝ հղում անելով ԱՄՆ բանակում սեփական աղբյուրներին։ 

Նշվում է, որ առնվազն մեկ պայթյուն է տեղի ունեցել հենց բազայում։ Դեռևս տեղեկություններ չկան հրթիռակոծության հետևանքով հենակետին հասցված վնասի կամ զոհերի մասին։

Reuters-ի աղբյուրը նկարագրել է արկերը որպես ««Կատյուշա» հրթիռներ»: Հայտնի չէ, թե ով է կանգնած հարձակման հետևում։ Գործակալության տվյալներով՝ նախօրեին՝ հոկտեմբերի 21-ին, բազայի տարածքում խփվել են երկու «անհայտ անօդաչու թռչող սարքեր»։