Ձերբակալվել են տասնյակ քաղաքացիներ՝ սոցցանցերում Իսրայելին քննադատող գրառումների պատճառով
Իսրայելի հատուկ ծառայությունները ձերբակալել են արաբական ծագումով մի քանի տասնյակ քաղաքացիների՝ սոցիալական ցանցերում Իսրայելին քննադատող և Գազայի հատվածին աջակցող գրառումների պատճառով, գրում է BBC-ն։
Նրանց թվում է նաև Իսրայելի հյուսիսում գտնվող Նազարեթ քաղաքից երգիչ Դալալ Աբու Ամնան, ով տնային կալանքի է ենթարկվել։ Նրան մեղադրում են «ապակառուցողական վարքագծի» մեջ։
Ինչպես հայտնում են միջազգային ԶԼՄ-ները, իշխանությունները կարծում են, որ այդ գրառումները կարող են բռնության դրդել նրա հետևորդներին:
