Հյուսիսային Կորեայի անդրադարձը՝ ԱՄՆ-ի կողմից Ուկրաինային ATACMS բալիստիկ հրթիռներ մատակարարելուն
Հյուսիսային Կորեան դատապարտել է Միացյալ Նահանգներին Ուկրաինային ATACMS բալիստիկ հրթիռներ մատակարարելու համար՝ հայտարարելով, որ այդ հրթիռներով Ռուսաստանի տարածքին ցանկացած հարված միայն կխանգարի խաղաղ ջանքերին, փոխանցում է BBC-ն:
«ԱՄՆ-ն, այնուամենայնիվ, Ուկրաինային մատակարարել է ATACMS բալիստիկ հրթիռներ՝ հակառակ լուրջ մտահոգության և միջազգային հանրության ուժեղ բողոքի», - ասվում է Ռուսաստանում Հյուսիսային Կորեայի դեսպանի հայտարարության մեջ:
Դեսպանը հայտարարում է, որ ATACMS-ը «միևնույն է օգտագործվելու է Ռուսաստանի խորքում հարված հասցնելու համար, դա ոչ ոք չի կարող հերքել»:
Պենտագոնում ավելի վաղ հայտարարել էին, որ հրթիռները տրամադրվում են Ուկրաինային այն երաշխիքներով, որ այդ սպառազինությունը «կօգտագործվի Ուկրաինայի ինքնիշխան սահմաններում»: Դա նշանակում է, որ հրթիռները կարող են արձակվել Ռուսաստանի կողմից օկուպացված շրջանների, այդ թվում ՝ Ղրիմի թերակղզու տարածքների ուղղությամբ։
Հիշեցնենք՝ ավելի վաղ ՌԴ նախագահ Վլադիմիր Պուտինը ասել է, որ ՌԴ-ն կկարողանա հետ մղել ATACMS հրթիռները, սա չի փոխի իրավիճակը առաջնագծում:
