Թբիլիսիում ծեծի է ենթարկվել ռուս հայտնի տիկտոկեր Դանյա Միլոխինը

Թբիլիսիում ծեծի են ենթարկել տխրահռչակ բլոգեր Դանյա Միլոխինին, ով լքել է Ռուսաստանը՝ զինծառայությունից խուսափելու համար։ Այս մասին գրում է Sputnik Грузия–ն:

Ինչպես հայտնում է Mash թելեգրամյան ալիքը՝ հարձակումն ուղեկցվել է հակառուսական լոզունգներով:

Միջադեպը տեղի է ունեցել Վրաստանի մայրաքաղաքի կենտրոնում՝ Նինոշվիլի փողոցում։ Ականատեսները պատմել են, որ տեղի բնակիչները հարձակվել են բլոգերի վրա, երբ նա սկսել է հայացք գցել բնակելի շենքերից մեկի պատուհանին։ 

Ինքը՝ բլոգերը, ցանցերում կատարվածի մասին տեղեկություն չի հայտնել։ Վրաստանի ՆԳՆ-ն դեռևս որևէ մեկնաբանություն չի արել։ 

Նշվում է, որ Միլոխինը հետախուզվում է Անապայի զինկոմիսարիատի կողմից։ Ըստ լրատվամիջոցների՝ հայտնի TikToker-ն այժմ գտնվում է Դուբայում։