Լևոն Քոչարյանը կմնա կալանավորված
ՀՀ երկրորդ նախագահ Ռոբերտ Քոչարյանի որդու՝ Լևոն Քոչարյանի կալանքը երկարացվել է ևս 2 ամսով։ Ինչպես հայտնել է փաստաբան Ալեքսանդր Կոչուբաևը՝ համապատասխան որոշումը կայացվել է Նոր Նորքի դատարանում՝ դատավոր Մասիս Մելքոնյանի նախագահությամբ։
Մինչ այս Լևոն Քոչարյանի պաշտպանական խումբը միջնորդություն էր ներկայացրել կալանավորման ժամկետի երկարացման միջնորդության քննարկման դատական նիստը հետաձգելու համար, քանի որ ծանոթ չէին գործի նյութերին։ Մելքոնյանը մերժել էր միջնորդությունը։
Լևոն Քոչարյանը բերման է ենթարկվել սեպտեմբերի 22-ի ցույցերի ժամանակ: Նրան մեղադրանք է առաջադրվել առ այն, որ սեպտեմբերի 22-ին խաղաղ ցույցի ժամանակ նա չի կատարել կարմիրբերետավորների` ճանապարհը բացելու օրինական պահանջ և բռնություն է գործադրել ոստիկանության ծառայողների նկատմամբ։
