Իսրայելի զորքերը մտադիր են Գազայում «Հիրոսիմա» ստեղծել, բայց առանց միջուկային զենքի. Հերշ
Իսրայելական զորքերը մտադիր են Գազայի հատվածում իրականացնել մի բան, որը նման կլինի ԱՄՆ-ի կողմից ճապոնական Հիրոսիմա քաղաքի ոչնչացմանը, միայն առանց միջուկային զենքի, հայտնում է ամերիկացի լրագրող Սեյմուր Հերշը՝ հղում անելով աղբյուրներին։
«Գազա քաղաքը Հիրոսիմա դառնալու գործընթացում է՝ առանց միջուկային զենքի կիրառման»,- մեջբերում է Հերշը իսրայելական բանակի ծրագրերին ծանոթ իր զրուցակցի խոսքերը։
Հերշը, վկայակոչելով աղբյուրների տվյալները, Substack պորտալի իր սյունակում նշում է, որ Իսրայելը ցամաքային գործողություն կսկսի Գազայի հատվածում, որ ոչնչացնի քաղաքում մնացած պաղեստինյան ՀԱՄԱՍ շարժման բոլոր անդամներին և նրանցից ոչ մեկին ողջ չթողնի:
«Նեթանյահուի ծրագիրն այն է, որ իսրայելական բանակը սպանի ՀԱՄԱՍ-ի յուրաքանչյուր անդամի, որին կարող է գտնել», - հավելել է լրագրողը:
