«Թվում է` Գազայի հիվանդանոցի վրա հարձակումն իրականացվել է այլ խմբավորման կողմից». Բայդեն
ԱՄՆ նախագահ Ջո Բայդենը Իսրայելի վարչապետ Բենիամին Նեթանյահուի հետ հանդիպման ժամանակ ասել է, որ թվում է` Գազայի հիվանդանոցի վրա հարձակումն իրականացվել է «այլ խմբավորման» կողմից: Այս մասին հայտնում է ՌԻԱ Նովոստին:
«Հիմնվելով այն ամենի վրա, ինչ ես տեսա, թվում է` դա այլ խմբավորում է արել, քան` դուք», - ասել է Բայդենը՝ նստելով Նեթանյահուի կողքին:
Հիշեցնենք, որ Գազայի բապտիստական հիվանդանոցին հարվածներ են հասցվել հոկտեմբերի 17-ի երեկոյան։ Գազայում հիվանդանոցի վրա հարձակման հետևանքով զոհերի թիվը գերազանցել է 800-ը։ Հրապարակվել են նաև Գազայի հատվածում հիվանդանոցի վրա ավիահարվածի հետևանքները ներկայացնող կադրեր:
