«Փաշինյանը գնում է Զելենսկու ճանապարհով». Մոսկվայի բարձրաստիճան աղբյուր

Մոսկվայի բարձրաստիճան աղբյուրը ՌԻԱ Նովոստի-ին հայտնել է, որ Եվրախորհրդարանում Հայաստանի վարչապետ Նիկոլ Փաշինյանի վերջին ելույթը գնահատում է անպատասխանատու և սադրիչ, հատկապես այն հատվածները, որոնք վերաբերում են Ռուսաստանին և ռուս-հայկական հարաբերություններին:

«Հոկտեմբերի 17-ին Եվրախորհրդարանում ՀՀ վարչապետ Նիկոլ Փաշինյանի ելույթը գնահատում ենք բացարձակ անպատասխանատու և սադրիչ, հատկապես այն առումով, ինչ վերաբերում է Ռուսաստանին և ռուս-հայկական հարաբերություններին»,- նշել է նա:

«Տեսնում ենք, թե ինչպես են Հայաստանը փորձում վերածել №3 Ուկրաինայի (Եթե Մոլդովան համարենք №2 Ուկրաինա), իսկ Փաշինյանը թռիչքային կերպով գնում է Վլադիմիր Զելենսկու ճանապարհով», - հավելել է նա:

Հիշեցնենք` Նիկոլ Փաշինյանը և Եվրոպական խորհրդարանի նախագահ Ռոբերտա Մեցոլան հանդես են եկել հայտարարություններով: