«Գազայի հատվածում հիվանդանոցի վրա ուղիղ հարված չի եղել». Իսրայելի պաշտպանության բանակ
Գազայի հատվածում հիվանդանոցի վրա ուղիղ հարված չի եղել, հարվածի տակ է եղել մոտակա ավտոկայանատեղին: Այս մասին ճեպազրույցում ասել է Իսրայելի պաշտպանության բանակի բրիգադային գեներալ Դանիել Հագարին, փոխանցում է ՌԻԱ Նովոստին:
«Մեր օդային լուսանկարների վերլուծությունը հաստատում է, որ հիվանդանոցին ուղղակի հարված չի եղել: Միակ վնասված տարածքը հիվանդանոցից դուրս գտնվող ավտոկայանատեղին է, որտեղ մենք տեսնում ենք այրման նշաններ, մոտակա շենքերին կառուցվածքային վնասներ չկան», - ասել է Հագարին:
Հիշեցնենք, որ Գազայի բապտիստական հիվանդանոցին հարվածներ են հասցվել հոկտեմբերի 17-ի երեկոյան։ Գազայում հիվանդանոցի վրա հարձակման հետևանքով զոհերի թիվը գերազանցել է 800-ը։ Հրապարակվել են նաև Գազայի հատվածում հիվանդանոցի վրա ավիահարվածի հետևանքները ներկայացնող կադրեր:
Նմանատիպ հոդվածներ
Ավելին Ռազմական բաժնից
Նրանք համաձայնել են վերադարձնել հարստացված ուրանը. Թրամփ
Թրամփը` Իրանի հետ պատերազմի ավարտի մասին
Լիբանանն ու Իսրայելը համաձայնության են եկել. Թրամփ
