ՏԵՍԱՆՅՈՒԹ․ Ինձ խնամում են, դեղեր են տալիս․ ՀԱՄԱՍ-ն առաջին անգամ հրապարակել է գերեվարված իսրայելուհու տեսանյութը
Ալ-Քասամ բրիգադը (ՀԱՄԱՍ-ի ռազմական թևը) հրապարակել է հոկտեմբերի 7-ին երաժշտական երեկույթի ժամանակ գերի ընկած իսրայելցի պատանդի տեսանյութը։
Տեսանյութում աղջիկը հայտնում է, որ իր անունը Միյա Շեմ է, նա 21 տարեկան է, ստացել է ձեռքի վնասվածք և վիրահատվել Գազայի հատվածում։
«Ինձ խնամում են, դեղեր են տալիս, ամեն ինչ լավ է։ Միայն խնդրում եմ, որ ինձ հնարավորինս շուտ տուն տանեն ծնողներիս, եղբայրներիս ու քույրերիս մոտ։ Հեռացրե՛ք ինձ այստեղից որքան հնարավոր է շուտ։ Խնդրում եմ»,- ասել է պատանդը։
Սա խմբի կողմից պաշտոնապես հրապարակված առաջին պատանդի տեսանյութն է։ Որտեղ և երբ է այն նկարահանվել, հայտնի չէ։ Աղջկա ծնողները Haaretz-ին հաստատել են, որ հենց նա է տեսանյութում։
