Որքան խաղաղ բնակիչ է մնացել Գազայի հատվածի հյուսիսում․ ՑԱԽԱԼ
Իսրայելի պաշտպանության բանակի ներկայացուցիչ Ջոնաթան Կոնրիկուսը լրագրողներին հայտնել է, որ արդեն շուրջ 600 հազար մարդ է լքել Գազայի հյուսիսը. դա պահանջում էին իսրայելցի զինվորականները ՀԱՄԱՍ - ի դեմ ցամաքային գործողության համար, գրում է BBC-ն:
Իսրայելի պաշտպանության բանակի տվյալներով՝ մնացել է 100 հազար մարդ։
Կոնրիկուսը պնդում է, որ 600 հազար պաղեստինցիներ «խելամիտ և ինքնապահպանող» որոշում են կայացրել տեղափոխվել հատվածի հարավ:
«100,000 մարդ պետք է հեռանա», - ավելացրել է նա: ՑԱԽԱԼ-ի ներկայացուցիչը կրկնել է խոսքերն այն մասին, որ ՀԱՄԱՍ-ը փորձում է թույլ չտալ խաղաղ քաղաքացիներին լքել Գազայի հատվածի հյուսիսը:
