ՏԵՍԱՆՅՈՒԹ. Վարշավայի երեք ընտրատեղամասերում ռումբի մասին ահազանգեր են եղել. ԶԼՄ–ներ
Վարշավայի երեք ընտրատեղամասերում ռումբի մասին ահազանգեր են եղել, գրում են տեղի ԶԼՄ–ները: Որոշ աղբյուրներ հայտնում են նաև ենթադրյալ պայթյունների մասին, որոնց վերաբերյալ պաշտոնական տեղեկություններ չկան:
Ըստ հրապարակումների՝ միջադեպերը տեղի են ունեցել մինչ ընտրական հանձնաժողովների փակվելը։ Շուրջ 200 մարդ տարհանվել է, ոստիկաններն ու սակրավորները տեղում աշխատում են։
Տեսանյութը, ենթադրաբար, արված է Վարշավայի ընտրատեղամասերից մեկի մոտ:
Հիշեցնենք, որ այսօր առավոտյան Լեհաստանում մեկնարկել են խորհրդարանական ընտրությունները։ Քվեարկության արդյունքները կորոշեն՝ արդյոք «Իրավունք և արդարություն» կուսակցությունը (PiS), որը ղեկավարում է երկիրը ութ տարի, կմնա իշխանության, թե վերջինիս կփոխարինի լիբերալ ընդդիմությունը՝ Լեհաստանի նախկին վարչապետ Դոնալդ Տուսկի գլխավորությամբ։ .
Այս պահին Յարոսլավ Կաչինսկու պահպանողական «Իրավունք և արդարություն» կուսակցությունը ձայների 36,8 տոկոսով առաջատար է խորհրդարանական ընտրություններում:
Սա նշանակում է, որ իշխանության մեջ գտնվող կուսակցությունը չի կարողանա մեծամասնություն ստանալ 460-տեղանոց խորհրդարանում, որը վայելում էր իր կառավարման վերջին ութ տարիներին։ Կաչինսկին ստիպված է գործընկեր փնտրել իշխող կոալիցիա կազմելու համար։
«Կաչինսկու կուսակցության իշխանության դարաշրջանն ավարտվել է, ընդդիմադիր ուժերը հաղթել են»,- ասել է Դոնալդ Տուսկը։
