ՏԵՍԱՆՅՈՒԹ. Օլաֆ Շոլցը Ալբանիայում մոլորվել է կարմիր գորգի վրա. Գերմանիայի կանցլերին համեմատել են Բայդենի հետ

Գերմանիայի կանցլեր Օլաֆ Շոլցը Ալբանիայի մայրաքաղաք Տիրանայում Արևմտյան Բալկանյան երկրների գագաթնաժողովի ժամանակ մոլորվել է կարմիր գորգի վրա։ Քաղաքական գործչի մասնակցությամբ միջադեպի տեսանյութն անմիջապես տարածվել է սոցիալական ցանցերում։ 

Կադրերում 65-ամյա Շոլցը նախ քայլում է գորգի երկայնքով, բայց հետո շրջվում և անցնում ցանկապատի վրայով։ Միայն այն բանից հետո, երբ լրագրողները նրան հուշել են, որ սխալ ուղղությամբ է գնում, կանցլերը վերադարձել է կարմիր գորգ։ 

Շատ օգտատերեր այս միջադեպը համեմատել են 80-ամյա ամերիկացի առաջնորդ Ջո Բայդենի հետ տեղի ունեցած դեպքերի հետ։ ԱՄՆ նախագահը հայտնի է նրանով, որ բարև է տալիս անտեսանելի մարդկանց և հաճախակի սայթաքում է: Կոնգրեսականները նույնիսկ պահանջել են, որ ԱՄՆ 46-րդ նախագահն անցնի մտավոր կարողությունների թեստ։ Անցյալ տարի Բայդենը նույնպես Պաղեստին կատարած այցի ժամանակ մոլորվել էր կարմիր գորգի վրա։ Այնուհետեւ նրան օգնել էր երկրի նախագահ Մահմուդ Աբասը։ 

«Գերմանացի քնկոտ Ջո: Հանձնեց «Բայդենի թեստը»: Շոլցը վերածվում է Բայդենի: Մեզ կառավարում են հիմարները»,- այսպես են մեկնաբանել համացանցում շփոթված Գերմանիայի կանցլերի մասնակցությամբ տեսանյութը։