Թուրքիան մարդասիրական օգնություն է ուղարկել Գազա

Թուրքիայի Կարմիր մահիկը հայտարարություն է տարածել, որտեղ ասվում է, որ Թուրքիայի պաշտպանության նախարարության և Աղետների ու արտակարգ իրավիճակների կառավարման վարչության համագործակցությամբ ռազմական ինքնաթիռով մարդասիրական օգնություն է ուղարկվել Գազա։ Այս մասին տեղեկացնում է Ermenihaber-ը։

Նշվում է, որ սննդի ծանրոցները և առաջին անհրաժեշտության պարագաներով բեռնված ինքնաթիռը վայրեջք է կատարել Եգիպտոսում, որտեղից էլ կուղարկվի Գազա։ 

Եգիպտոսում այսօր սպասվում է նաև Թուրքիայի արտգործնախարար Հաքան Ֆիդանի և Եգիպտոսի արտգործնախարար Սամեհ Շուքրիի հանդիպումը։ Հանդիպան ընթացքում կողմերը կքննարկեն պաղեստինա-իսրայելական հակամարտության կարգավորման հարցը։