«Հուսով ենք՝ այդ դիրքորոշումը կգերակայի». Լավրովը՝ Փաշինյանի հայտարարության մասին

Մոսկվան հուսով է, որ Հայաստանի վարչապետ Նիկոլ Փաշինյանը հավատարիմ կմնա երկրի անփոփոխ քաղաքական կուրսի մասին իր հայտարարություններին՝ չնայած այն այլ ուղղությամբ տանելու փորձերին։ Այս մասին ասել է ՌԴ ԱԳ նախարար Սերգեյ Լավրովը Բիշքեկում ընթացող ԱՊՀ անդամ երկրների նախարարների հանդիպման ասուլիսի շրջանակներում։

«Ուզում եմ ձեր ուշադրությունը հրավիրել այն փաստի վրա, որ մի քանի օր առաջ վարչապետ Փաշինյանը հարցազրույց է տվել և դրանում հստակ ասել է, որ Հայաստանն իր կողմնորոշումը չի փոխում։ Հուսով ենք՝ այդ դիրքորոշումը կգերակայի՝ անկախ Երևանն այլ ուղղությամբ տանելու բոլոր փորձերից», - ԱՊՀ ԱԳ նախարարների խորհրդի նիստից հետո լրագրողներին ասել է Լավրովը: