ՏԵՍԱՆՅՈՒԹ․ Ինչքան «պռոռաբ» և «մեբելի դիզայներ» կար վարչության պետեր էին․ Ավինյանը՝ Մարությանի մասին հարցին
Պետք է անկեղծ լինել, որովհետև առաջին հերթին քաղաքապետն է որոշում, թե ում է ընտրում վարչության պետ: Այս մասին ճեպազրույցի ժամանակ ասել է Երևանի քաղաքապետ Տիգրան Ավինյանը:
«Մրցույթը տեղի է ունենում, բայց եթե քաղաքապետի քաղաքական կամքը չլինի նշանակել կոնկետ անձի կոնկրետ վարչությունում որպես պատասխանատու ղեկավար, այդ մարդը ուղղակի չի նշանակվի»,- ասել է նա:
Լրագրողի դիտարկմանը, որ նախկինում Հայկ Մարությանն իր պաշտոնավարման ժամանակ նշել էր, որ ինքը չի կարող ընտրել և դա անցկացվում է մրցույթով, պատասխանեց․
«Կներեք, բայց նախկինում ինչքան մոտիկ, հարազատ, բարեկամ, «պռոռաբ» և «մեբելի դիզայներ» կար վարչության պետեր էին նստել»։
