Բաքվում կեղծ «դատավարություն» և բոլոր նորմերի լիակատար անտեսում է տեղի ունենում․ ՀՀ ԱԳՆ

Բաքվում կեղծ «դատավարություն» և բոլոր նորմերի լիակատար անտեսում է տեղի ունենում ԿԽՄԿ պաշտպանության ներքո սրտի վիրահատության համար Հայաստան տեղափոխվող և Լեռնային Ղարաբաղում էթնիկ զտումներից շաբաթներ առաջ անօրինական անցակետում առևանգված ԼՂ 68-ամյա խաղաղ բնակչի նկատմամբ։ Այս մասին թվիթերի իր մկրոբլոգում գրել է ՀՀ ԱԳՆ խոսնակը։

«Ապօրինի առևանգումը, որը Մարդու իրավունքների կոպիտ խախտում է, այժմ ուղեկցվում է 68-ամյա քաղաքացիական անձի տառապանքները ցուցադրող տեսանյութերի և լուսանկարների հրապարակմամբ։ Բազմաթիվ միջազգային իրավապաշտպան կազմակերպությունների և հաստատությունների խնդրանքով պետք է ազատ արձակվեն Բաքվում դեռևս պատանդ պահվող ռազմագերիները և քաղաքացիական անձինք»,-գրել է նա:

Նշենք, որ այսօր Բաքվի  Յասամալի շրջանային դատարանում տեղի է ունեցել Լաչինի միջանցքով Հայաստանի Հանրապետություն անցնելու ժամանակ ադրբեջանական սահմանապահ ծառայության աշխատակիցների կողմից ապօրինի առևանգված Լեռնային Ղարաբաղի բնակիչ Վագիֆ Խաչատրյանի գործով նախադատավարական նիստը:

Պետական ​​մեղադրող Մուգադես Սուլթանովը խնդրել է գործը փոխանցել դատարան և չփոխել մեղադրյալի նկատմամբ խափանման միջոցը։

Քրեական գործի քննությունը նշանակվել է հոկտեմբերի 17-ին։

Հիշեցնենք՝ Ադրբեջանում Վագիֆ Խաչատրյանին շինծու մեղադրանք են առաջադրել՝ իբր Խոջալուի շրջանի Մեշալի գյուղում «ցեղասպանություն իրականացնելու համար»:

[e82ccc705fdcc4b6b158cb5ec363de76.png]