Պլակատը ես եմ վնասել, լավ եմ արել․ Երասխում պաստառը վնասած քաղաքացի

«Պլակատը ես եմ վնասել․ լավ եմ արել»։ Այս մասին ասել է Radar Armenia-ի խմբագրություն զանգահարած Արարատի մարզի բնակիչ Դավիթ Հովհաննիսյանը և հայտնել, որ Երասխում հոկտեմբերի 8-ին ինքն է վնասել Հայաստանի և Ռուսաստանի դրոշներով ու զինանշաններով պաստառը․

«Կեղծ պրոպագանդային բոլորով պետք է վերջ դնել։ Պլակատը ես եմ վնասել․ լավ եմ արել։ Չեմ փախել։ 2 հոգի ենք եղել, ոչ թե 6։ Մեր մեսիջն ենք ուղղել»,- լրատվամիջոցին ասել է նա։

Հավելենք, որ ՀՀ ՔԿ-ն, անդրադառնալով նշված դեպքին, հայտնել է, որ 2023թ․ հոկտեմբերի 8-ին էլ հաղորդում է ստացվել այն մասին, որ դրա նախորդ օրը, ժամը 22․55-ի սահմաններում, անհայտ անձինք դանակով վնասել են Արարատի մարզի Երասխ գյուղի կենտրոնկան հատվածում գտնվող «Հայ և ռուս» ժողովուրդների բարեկամությունը խորհրդանշող պաստառը։

[47472d015063b1c48b25727816e5ddcd.jpg]